二女争雄，甘比轰动香港。
好多人问我甘比是谁，其实她很普通，只是苹果日报的娱乐记者而已。
姿色平平，偏偏深得周星驰欢心。
若干时间前通过周星驰认识刘栾雄——李嘉欣的前男友，更没什么外形的富豪，
甘比从报社进入刘的公司成为助理，后来又冲助理变成小四，接着从小四变成刘家的孩子他妈。
现在，她成功击败其他竞争者，与小二平起平坐，争夺一奶地位。
哇～～～苹果真是人才济济～～
以下这篇〈ＦＡＣＥ〉特刊送给所有想入豪门滴女狼们！
努力把！！
但第一种方案在内地建议就别想，至少到目前我没见到有成功者！
标题：我做甘比第二！
母憑女貴，甘比做皇后啦，一入侯門深似海？我又唔拘呀，邊個港女唔想滿身名牌？不過咁，話之你天生麗質，要做甘比第二，首要條件當然要俾富豪認識你，唔使下下去Ball場趁，仲有大把方法親近富豪，睇你有無運行啦。
1.加入傳媒最好做娛記
■I.T副主席盧永仁，因接受報刊財經版記者陳明芳訪問而結情緣。
做記者的確識到名人，但要識富豪，就一定做名人版或娛樂記者，想當年甘比都係因為採訪關係而結識大劉。咪以為娛記就等於狗仔隊喎，以甘比當年為例，佢屬於文字記者，負責採訪寫稿，同明星名人發生衝突機會比狗仔隊少得多。入職要求每間傳媒機構唔同，但通常要求有大學程度，有經驗、識影相同車人工會高，工作時間9粒鐘，趕稿通頂無OT。文字記者有機會專訪富豪名人，寫得一手好文章，咪留到個好印象畀班富豪。
條件：大學程度，肯捱，靈活夠八卦，起薪點約$8,000。
識富豪機會：$$$$$
2.名店Sell客Sell埋自己
名店Sales大把機會招呼富豪，呂麗君都係倫敦LV店做兼職陣識大劉；香港地，則以中環同金鐘LV店最多名人光顧。想入LV打工，唔使大學畢業，英文唔太叻都OK，最緊要口才，有零售或客戶服務經驗者優先考慮，要視乎店舖營業時間而定。3年前LVSalesA畀貼士：「公司請人先睇樣，所以見工要執好個樣，陣我每星期返兩日工，都最少見到一次富豪，富豪鍾意搵相熟Salesserve佢，對生面口Sales有戒心。」緊聖誕同新年檔期，斷估LV會登招聘廣告請人，自己留意啦。
條件：靚樣，中英文流利，全職約$10,000連花紅，兼職每粒鐘$45。
識富豪機會：$$$$$
3.包機空姐隨時候命
■空姐陳慧茵，早前下嫁導演馬偉豪。
好多港女立志做空姐，因為制服靚又可以周圍飛，最重要係識得人多。新加坡航空、日航、國泰、港龍同聯合航空都會請港女做機艙服務員，但有好多機會接觸明星。有錢佬鍾意包機出外公幹，有提供私人包機服務HongKongAirlines，就有唔少富豪幫襯。HongKongAirlines會透過人事公司搵私人包機空姐，仲未計出勤零用錢，富豪無外出，空姐份人工淨袋，不過當然要隨時候命啦，
條件：唔介意周圍飛，要隨傳隨到。一般空姐連外勤等月薪約$15,000，私人包機空姐約$21,000。
識富豪機會：$$$
4.富豪飯堂斟茶遞水
大劉、李兆基、李國寶富豪飯堂「褔臨門」熟客，做樓面斟茶遞水，相信唔難結識呢班富豪。據行內人士透露，除經理、部長呢較高職位要熟人介紹外，樓面經常大量招聘人手，全職薪金有$9,500，工作時間每日12粒鐘，有落場時間，但要視乎係唔係返早更；兼職半日樓面返10粒鐘薪金約$6,000，自命捱得苦靚女們，可以諗諗喎。
條件：工作時間長，搬搬凳捱得苦，月薪約$6,000起
結識富豪指數：$$$$$
5.睇拍賣展接觸上流社會
■《珠光寶氣》面，白筱柔安排三個女睇畫展，結識上流社會。
價值不菲藝術品係富豪心頭好，蘇富比舉行拍賣會前會搞展覽會，展覽會人人都可以參觀，但入拍賣會就要預先登記。有乜服飾要求？又唔使好似《珠光寶氣》到去Ball咁，斯文端莊就可以，通常展覽會同拍賣會同一地方舉行，香港多數會展新翼舉行，不過負責競投多數係富豪助手，要撞到富豪就要多去幾次啦。（http://www.sothebys.com）
條件：得端莊，有耐性，未必次次撞到富豪。
識富豪機會：$$$
6.打Golf打出情綠
Golf點解會成為富豪運動？因為入會費動輒過百萬，試問普通打工仔點玩得起？好彩，香港仲有滘西洲呢個高爾夫球場，面積夠大有唔同球道同練習場，最重要係平！唔似一般球會需要入會費，可以時鐘形式租用，雖則係公眾球場，但由於有齊標準18洞賽道，所以吸引到唔少富豪去切磋球技。據聞理文造紙老闆李文俊、鄭裕彤粒乖孫鄭志恆都鍾意打Golf，有時間就走轉啦。（http://www.kscgolf.org.hk/index-c.asp，查詢：27913388）
條件：唔係得個殼，識揮番兩杆就最好啦。
識富豪機會：$$$
7.同有錢佬晨運
有錢佬鍾意晨運，多運動身體好嘛！半山司徒拔道附近唔少富豪屋企，夠就腳，所以成為佢熱門晨運地點之一。不過，唔知係唔係安全理由，好多富豪都唔願意透露去邊晨運，只有富利堡集團主席黃毅力曾經訪問中提過，每朝六點會到山頂晨運約一個鐘。或者你跑到氣喘喘之際，就有位富豪你隔籬陪你跑，整番段「司徒拔道仙履奇緣」，都咪話唔浪漫。
條件：有耐性，夠腳骨力就掂。
識富豪機會：$$
8.選港姐釣金婿
■「爭鄔公事件」，翁嘉穗最後鍊贏。
數港姐嫁入豪門做幸福少奶奶，最為人熟識一定係朱玲玲，當選冠軍九個月後就同霍震霆拉埋天窗，翁嘉穗同李明慧「冠亞軍爭鄔公」事件更加經典，想當年先傳出李明慧同七海化工集團主席鄔友正談戀愛，後尾殺出翁嘉穗呢個程咬金，最終後者勝出成為鄔太。除此，吳婉芳、李美鳳等嫁到個有錢人，不過可惜，年過25歲靚女，呢個辦法就幫唔到你，因為已經超過參選年齡限定，仲有參加得就要有心理準備，應付傳媒同網民批評呀。（http://misshk.tvb.com/2008/）
條件：樣靚身材正，唔怕見傳媒。
識富豪機會：$$
9.安排個女……加入國家跳水隊
■跳水跳到入豪門，晶晶你真係叻。
先有伏明霞嫁梁錦松，後有郭晶晶同霍剛譜戀曲，做國家運動員認識富豪機會大增，將自己個女送入國家隊呢條橋，睇怕都Work。入國家隊過程艱辛，女兒10歲前就要送到內地參加市隊，經選拔成為省隊，再選拔成為國家隊。
國家隊人數眾多，要突圍而出成為國際大賽選手然後為人熟識，都咪話唔辛苦，其實唔少國家隊成員，因為家貧而入國家隊，為有餐飽飯食而咬緊牙關捱地獄式訓練，如果你忍心送個女入國家隊，唔怕見到佢捱苦，呢個不失為一個可以一博方法。條件：要有個女，又狠心掟個女特訓。
識富豪機會：$
